Gjimnastika për të Gjithë është qendra e dy ngjarjeve kryesore të FIG: Gjimnastrada Botërore dhe Palestra Botërore për Sfidën e Jetës. Të dyja këto mbahen në interval katër-vjeçar, me një orar alternativ që siguron zhvillimin e një ngjarje ndërkombëtare çdo dy vjet. Të dyja në thelb janë një celebrim i mundësive të pafundme të performancës së Gjimnastikës, të hapura për të gjithë pjesëmarrësit.

Filozofia e Gjimnastikës për të Gjithë

Edhe pse është e njohur nga shumë për shkak të Kampionatit Botëror dhe e spikatur në Lojërat Olimpike, Gjimnastika është shumë më tepër sesa një sport konkurrues i nivelit të lartë. Eshtë themeli i të gjitha sporteve, dhe një aktivitet që mund të praktikohet nga të gjithë.

Katër themelet e Gjimnastikës për të Gjithë – Argëtimi, Fitnesi, Parimet dhe Miqësia – ishin aq të çmuara nga themeluesi i saj Belg Nicolas Cuperus saqë për vite me radhë Cuperus sfidoi kolegët e tij duke refuzuar të organizonte evente konurruese.

Përmes dy ngjarjeve të gjata, FIG përpiqet të sigurojë mundësi për të gjithë për të performuar, shijuar dhe eksploruar mundësitë e pafundme të Gjimnastikës. Gjimnastika nuk është vetëm një sport për të rinjtë, ose për garuesit e nivelit të lartë, këmbëngul Margaret Sikkens Ahlquist, President i Komitetit FIG Gjimnastikës për të Gjithë.

“E mira e Gjimnastikës është që nuk duhet të ndalesh kurrë. Gjithmonë mund të vazhdosh me një lloj tjetër aktiviteti të Gjimnastikës. Gjimnastika është me të vërtetë nga djepi në varr.”

Ngjarjet kryesore

Gjimnastrada Botërore

Një atmosferë festive mbizotëron në Javën Botërore të Gjimnastradës, midis mbledhjeve më të mëdha të gjimnasteve nga të gjitha anët e globit. Mbajtur në një qytet tjetër çdo katër vjet, grupe gjimnastësh dynden për të kryer rutinat krijuese dhe marrin pjesë në shfaqje të mëdha në grupe, duke u mbështetur në një atmosferë që thekson argëtimin, palestrën, bazat e Gjimnastikës dhe nxitjen e miqësisë ndërkombëtare.

Të gjithë gjimnastët janë të mirëpritur në Gjimnastradën Botërore. Të rinj dhe të moshuar, fillestarë ose elitarë, ata vijnë masivisht: Gjimnastrada Botërore 2015 në Helsinki tërhoqi më shumë se 20,000 interpretues nga 53 vende, disa prej të cilëve kishin kaluar vite duke përsosur performancën e grupit të tyre.

Përvoja e Gjimnastradës Botërore

Të gjithë janë të mirëpritur në Gjimnastradën Botërore, i vetmi kusht është që interpretuesit duhet të jenë pjesë e një grupi prej të paktën 10 personash. Ngjarja fillon me një Ceremoni të Hapur, ku secili delegacion marshon, në stilin Olimpik, të udhëhequr nga flamuri kombëtar i vendit të tij ose të saj. Në ditët në vijim, grupet performojnë të paktën tre herë. Përveç që performojnë vetë, gjimnastët kanë qasje edhe në shfaqje të tjera.

Cdo komb shkon në qendër të vëmendjes çdo ditë gjatë Gjimnastradës Botërore, duke paraqitur shfaqje të veçanta Kombëtare që tregojnë Gjimnastikën në vend, shpesh përqendruar rreth një teme kulturore. FIG Gala, një përzgjedhje veçanërisht e koreografuar e disa prej shfaqjeve më spektakolare, kryeson javën, një ditë para Ceremonisë Mbyllëse të Gjimnastradës. Fokusi është kryesisht në festimin e të gjitha llojeve të Gjimnastikës, por pjesëmarrësit e Gjimnastradës Botërore gjithashtu priren të largohen duke bërë miq të rinj për jetë.